ODAIKO PERCUSSION GROUP

     Onte, día 1 de febreiro, @s alumn@s de 3º e 4º chegamos moi nervios@s ao colexio porque iamos a Pontevedra, a ver "Cousas de 4" de ODAIKO PERCUSSION GROUP.

    No autobús, sentámonos por parellas e gozamos dunha preciosa paisaxe con árbores, montañas, casas e ríos. Chamounos moito a atención un avión aparcado na beira da estrada e pareceunos espectaculares todas as pontes que hai sobre o río Lérez.

     Ao chegar, o autobús deixounos na praza de Galicia e fomos camiñando ata a sede de Afundación.

    No vestíbulo, admiramos unhas esculturas grandísimas antes de acomodarnos nas nosas butacas.

     O espectáculo musical estivo protagonizado por catro músicos que se chaman Juan Collazo, Félix Rodríguez, Francisco Troncoso e Antonio Ocampo. Eles tocaron, cantaron e fixeron teatro con moita graza. Non parabamos de rir. Que paveros!

   Utilizaron percusión corporal, instrumentos tradicionais como a marimba, a pandeireta ou as tarrañolas; xoguetes, coma o clásico martelo sonoro dos paiasos; utensilios de uso cotián como unha tixola ou unha culler; e obxectos de plástico como barrís e tubos de diferentes cores e tamaños.

     Nun momento da actuación pediron catro voluntari@s para acompañalos no escenario. Todos nós levantamos a man pero non nos escolleron. Que se lle vai facer! Outra vez será!

     Foi un espectáculo alucinante. Especialmente cando apagaron as luces e tocaron cunhas baquetas que brillaban na escuridade. Unha auténtica pasada!

     Á saída, agasalláronnos cunhas pegatinas co nome do grupo. 

     Que ben o pasamos!
     Oxalá poidamos velos de novo!

PasaPAZlabra

Con motivo da celebración do Día da Paz, os alumnos da materia de Valores sociais e cívicos crearon un pequeno xogo imitando o famoso Pasapalabra da televisión.  O venres foron polas aulas de 4º, 5º e 6º, e fixeron de presentadores/as e técnicos para que todos/as puidesen participar. Agora están en proceso de corrección, e en breve dirán quenes foron os gañadores en cada curso. 

Se queres probalo agora, ou reintentalo, aquí o deixamos. Vai pulsando a flecha e irán aparecendo as definicións, e lembra: todas as palabras teñen que ver coa paz!

Concurso de postais de Nadal

 Parabéns @s gañador@s no concurso de postais de Nadal convocado polo Concello.

UXÍA GARCÍA REY    (2º Primaria)

MARTÍN CRESPO ORTIGUEIRA   (3º Primaria)

ALBA BESADA LOUZÁN   (5º Primaria)

 Se premedes na imaxe podedes acceder a máis información no blog da biblioteca.

 

MOITAS GRAZAS POLA VOSA PARTICIPACIÓN!

FELICES FESTAS !!

Flappy bird... ¿o fish?

Como xa dixemos na entrada anterior, o pasado venres embarcámonos na Hora do Código... aínda que nos levou máis dunha hora. Primeiro falamos na aula sobre as Ciencias da Computación e sobre algúns termos que emplean os informáticos. Agora os alumnos de 4º xa saben, por exemplo, que cando un programador fala de depurar non está pensando en limpar a auga, senon en buscar erros ou posibles melloras nun programa para solucionalos e que funcione mellor.

 Despois fomos á aula de informática para facer unha práctica traballando por parellas: un sería o driver ou condutor (o encargado de manexar o rato e o teclado), e outro o browser ou explorador (o que vai repasando o código e vixiando o funcionamento), aínda que o de razonar e deseñar sexa unha tarefa compartida. O obxectivo era facer variacións sobre un xogo faciliño chamado Flappy Bird, empregando unha versión dun sistema de programación por bloques chamado Scratch.

Conseguimos 12 xogos parecidos pero á súa vez distintos, algo así como este (preme na imaxe para xogar):

E ademáis, o alcalde de Barro veu ao cole a apoiar a iniciativa, e a animar aos nenos, e sobre todo ás nenas (porque son poucas as rapazas que estudan enxeñerías, e iso debería cambiar), a estudar nun campo como o informático, no que hai tantas ofertas de traballo. Tamén tivo a oportunidade de probar un dos xogos, e non se lle daba tan mal! Mirade que ata saímos na prensa:

Esperamos que a actividade vos gustase. Podedes deixar nos comentarios a vosa opinión, ou propostas de outras actividades, ou os enderezos dos vosos xogos para que o resto poida probalos.

A Hora do Código

Esta é a Semana da Educación nas Ciencias da Computación, un evento mundial para poñer en valor a importancia dos estudios e as profesións relacionadas coa informática. E un dos protagonistas deste acontecemento é a celebración en miles de colexios da Hora do Código.

Como se trata de introducir aos nenos e nenas en aspectos como o uso correcto das redes, a robótica, programación, os fundamentos da informática, etc., nos imos a participar facendo unha actividade de programación con bloques (baseada nun programa chamado Scratch), para crear unha nova versión dun pequeno videoxogo chamado Flappy Bird. Veremos si quedan chulos!

Dobrando papel... un can!

A papiroflexia (tamén chamada origami ou cocotoloxía), é unha forma de arte que consiste en facer figuras con papel sen usar tesoiras nin pegamento, o que a diferencia de outras modalidades parecidas como o papercraft.

Nos de momento só imos a facer algunha figura de papiroflexia, en concreto un cadeliño, seguindo as instrucións do vídeo. O único que precisamos é un folio DIN-A4, unha regra, e lapiceiros de cores para decorar a nosa figura. No vídeo tamén aparecen usando tesoiras, así que... veña, polo de agora imos a usalas porque todavía estamos empezando a practicar, pero pouco a pouco hai que ir intentando cortar ben o papel empregando só as mans.

Velaquí están as instrucións; ás veces é necesario velo varias veces, ou ir parando cada pouquiño, pero se o intentas con ganas, seguro que che sae.

Cando esté rematado pintarémolo para imitar o noso can favorito, e cos trozos de papel que sobraron... quen é capaz de facer outro cadelo máis? Cantos cans serías quen de facer sen coller outro folio?