O próximo domingo, 5 de xuño, celébrase o Día Mundial do Medio Ambiente e o alumnado de terceiro preparou un vídeo moi especial e divertido para conmemoralo.
Trátase dunhas recomendacións que lles quixeron facer aos peregrinos e peregrinas que pasan polo noso pobo facendo o Camiño de Santiago. Poderán ver estes consellos escaneando un código QR que aparecerá nos cartaces que o Concello vai colocar proximamente.
Esperamos que vos guste!
Os rapaces e rapazas de terceiro continúan a traballar no proxecto “Barro no Camiño”. Nesta ocasión, fixeron de reporteir@s e entrevistaron a peregrinos e peregrinas de diferentes nacionalidades. Entre outras cousas, falaron das emocións que se viven facendo o Camiño de Santiago.
Aquí podedes ver un vídeo con algúns fragmentos das diferentes entrevistas. Este vídeo formará parte dos carteis para @s peregrin@s que se colocarán en Barro nas vindeiras semanas.
Esperamos que vos guste!
En terceiro estamos traballando no proxecto Barro no Camiño e, nas vindeiras semanas, estarán listos uns carteis que se colocarán ao longo do tramo do Camiño Portugués que pasa polo noso pobo.
Unha das actividades consistiu na creación duns fantásticos e divertidos pareados sobre as diferentes rutas do Camiño de Santiago. Aquí tedes por adiantado o vídeo que se incluirá cun código QR nestes carteis,
Vaia poetas!!!
A última actividade realizámola en colaboración co alumnado de segundo e consistiu na investigación e posterior decoración do corredor que vai ás nosas aulas. Nel pódese ver a ruta e as diferentes etapas do Camiño Portugués. Quedou chulísimo!
Aquí podedes ver unhas fotos co resultado final e co alumnado orgulloso do seu traballo.
