O Sistema Solar

Con motivo do mes da ciencia, e para repasar contidos adquiridos na materia de Ciencias Sociais, o alumnado de 3º curso elaborou distintas maquetas do Sistema Solar traballando por equipos, non só nas ciencias, senón tamén nas súas dotes artísticas. Esta tarefa permitiulles situarse un pouquiño máis na inmensidade do Universo. O resultado só tendes que velo...

O mes aínda non rematou... e estes cativos/as científicos/as volverán á acción...
Prestade atención a próximas publicacións!

Proxectos en familia.

Aproveitando o mes da Ciencia, e seguindo co proxecto "As Familias contan..." Luca, de 3° curso, estivo acompañado do seu papá, Miguel Maquieria, para mostrarnos como construíron un xenial Sistema Solar. Ademais, tamén contaron coa especial colaboración do seu avó que, por motivos laborais, non puido asistir.

Parabéns familia e moitísimas grazas!

CONSTRUIMOS ROBOTS

Así redactaron nas clases de 4º curso a "noticia" desta tarefa coa que se iniciou o Proxecto de Robótica educativa no noso centro.

OS ROBOTS DE 4º.

As nenas e nenos de 4º do CEIP Amor Ruibal fixeron uns robots de material de refugallo. Cada un pensou o seu. Todos puxeron moito empeño e os robots quedaron moi ben feitos.

Hugo De La Fuente, 4º A

OS NENOS DE 4º DO CEIP AMOR RUIBAL FAN ROBOTS.

O proxecto comenzouse a primeira semana de novembro na área de ALFIN. Os robots fixéronse con deseños propios dos nenos e nenas e con material de refugallo.

David Castro, 4º A 

A continuación ofrecemos un vídeo-resumo con imaxes dos robots elaborados e do resultado da votación que se realizou entre o alumnado para saber das súas valoracións.

Un grandísimo traballo!! 

 

A PLANTAR...PLANTAS

Os nenos e nenas de terceiro de primaria estamos a traballar coas plantas, e que mellor forma de aprender ... que plantar plantas!!!!



Dúbidas co Aeroday

Algunhas personas están a preguntar dúbidas sobre o concurso Aeroday, así que imos aclarar un par de cousas:

1ª) Como se explica no reglamento, os avións das modalidades que teñen que voar hai que entregalos por anticipado: con deixalos na aula de 4º o luns día 13 é suficiente. Os avións da modalide tuning non se entregan antes por varios motivos: para non estropear as decoracións, para conservar o factor sorpresa,...

2º) A ficha de inscripción ten tres recadros, un por cada modalidade, que teñen que estar cubertos para poder participar. Obviamente os verificadores deixarán unha marxe de erro (ninguén vai ser descalificado por un par de milímetros), pero si que aplicarán unha penalización polos datos que estén claramente incorrectos (-1m por cada un), ou directamente impedirán participar ós que directamente non respondan.

3º) O modelo de avión en calquera das tres modalidades é libre (e a cor do folio tamén). É máis, animámosvos a que fagades deseños complexos, variados, innovadores,... Como moitos/as só dominades o modelo dart, tamén chamado arrow (dardo ou frecha), imos facer unha recomendación: visitade as seguintes páxinas web... e deixade voar a vosa imaxinación.

•  A web Avioncitos de papel ten moitos modelos e trucos.
• En FoldNFly, unha das páxinas clásicas, incluso están os modelos clasificados e explicados (nunha web dun xornal español comentaron as súas explicacións fai pouco)
• Outra web moi coñecida, que tamén ten instruccións, é Funpaperairplanes, de visita recomendada.
• E outra máis con moi bos videos: Paperaeroplanes (onde comprobaredes o chulos que quedan se usamos papeis de cores).
• A portal Papiroflexiamania ten unha sección dedicada ós avións, como non podía ser doutra forma, na que atoparás videotitoriais.
• O mesmo pasa cunha páxina similar pero en inglés: Origami-instructions.
• Veña, outra web en inglés con varios modelos sinxeliños: non vos preocupedes, só con ver as imaxes chega.
• Tamén neste post de Taringa explican 12 modelos, e neste outro 20, así que por información non será, non?

Aeroday

O alumnado de 4ª de primaria organizou un pequeno concurso de avións de papel, que terá lugar o vindeiro martes día 14 de xuño, no Pabellón de Barro. Hai tres modalidades de participación:

• DIN-A Jet, que consiste en facer un avión cun folio e lanzalo, gañando o que chegue máis lonxe.
• Tuning, na que o importante é a decoración e a complexidade do avión (sen ter que lanzalo), e que será valorado por un xurado
• XS-XL, na que propoñemos un reto: facer o avión máis grande e o máis pequeno posible, que consiga voar unha distancia mínima.

Poderán participar o alumnado de 4º, 5º e 6º, ademais dos adultos que o desexen. Para inscribirse haberá que cubrir a ficha de inscrición, cos datos e cálculos correspondentes (este é un requisito impresncible), e deixala na aula de 4º ata o día 13 de xuño. Tedes a información completa nas bases que podes consultar a continuación (ou descargar aquí):

Flappy bird... ¿o fish?

Como xa dixemos na entrada anterior, o pasado venres embarcámonos na Hora do Código... aínda que nos levou máis dunha hora. Primeiro falamos na aula sobre as Ciencias da Computación e sobre algúns termos que emplean os informáticos. Agora os alumnos de 4º xa saben, por exemplo, que cando un programador fala de depurar non está pensando en limpar a auga, senon en buscar erros ou posibles melloras nun programa para solucionalos e que funcione mellor.

 Despois fomos á aula de informática para facer unha práctica traballando por parellas: un sería o driver ou condutor (o encargado de manexar o rato e o teclado), e outro o browser ou explorador (o que vai repasando o código e vixiando o funcionamento), aínda que o de razonar e deseñar sexa unha tarefa compartida. O obxectivo era facer variacións sobre un xogo faciliño chamado Flappy Bird, empregando unha versión dun sistema de programación por bloques chamado Scratch.

Conseguimos 12 xogos parecidos pero á súa vez distintos, algo así como este (preme na imaxe para xogar):

E ademáis, o alcalde de Barro veu ao cole a apoiar a iniciativa, e a animar aos nenos, e sobre todo ás nenas (porque son poucas as rapazas que estudan enxeñerías, e iso debería cambiar), a estudar nun campo como o informático, no que hai tantas ofertas de traballo. Tamén tivo a oportunidade de probar un dos xogos, e non se lle daba tan mal! Mirade que ata saímos na prensa:

Esperamos que a actividade vos gustase. Podedes deixar nos comentarios a vosa opinión, ou propostas de outras actividades, ou os enderezos dos vosos xogos para que o resto poida probalos.

A Hora do Código

Esta é a Semana da Educación nas Ciencias da Computación, un evento mundial para poñer en valor a importancia dos estudios e as profesións relacionadas coa informática. E un dos protagonistas deste acontecemento é a celebración en miles de colexios da Hora do Código.

Como se trata de introducir aos nenos e nenas en aspectos como o uso correcto das redes, a robótica, programación, os fundamentos da informática, etc., nos imos a participar facendo unha actividade de programación con bloques (baseada nun programa chamado Scratch), para crear unha nova versión dun pequeno videoxogo chamado Flappy Bird. Veremos si quedan chulos!

Ciencia na biblioteca

Estivemos na biblioteca amosando os nosos experimentos aos compañeiros. Marcos Rivas explicou como fixo esta reproducción da sonda espacial Rosseta co módulo Philae e como foi a maniobra de aterraxe no cometa 67P.

O moco verde!

CIENCIA DIVERTIDA

Os alumnos e alumnas de 3º Curso, convertímonos en científic@s e fixemos un experimento.
E o resultado do noso experimento, por certo moi divertido: O MOCO VERDE.

Elaboración

Receita da elaboración do "Moco Verde"

O Rap Do Volcán

Os alumnos e alumnas do 3º curso estudiamos os volcáns e leimos moitas cousas sobre eles.
Así que animámonos a facer un volcán e inventamos "O Rap Do Volcán".

Mirade que ben o pasamos facendo o Volcán....

E aquí todos xuntos co a obra feita. O volcán!!!!!

O Philae