ATLETISMO EN PISTA

O pasado xoves, o alumnado de 4º de Primaria participou na actividade de Xogade "Atletismo en pista" no Centro Galego de Tecnificación Deportiva (CGTD) de Pontevedra xunto con outros centros da localidade.

Moitísimas grazas!

Unha gozosa xornada!

 

XOGADE INTERCENTROS EN PONTEVEDRA

 O alumnado de 3º de Primaria desprazouse na mañá de hoxe ao Pavillón dos Deportes de Pontevedra para participar na xornada deportiva xunto con alumnado doutros centros que cursan o mesmo nivel.

 

Moitísimas grazas!

Unha xornada intensa e moi gozosa!

PRACTICAMOS RUGBY TAG

 O alumnado de 3º e 4º de Primaria segue preparándose para as xornadas intercentros. A pasada semana visitáronnos do Clube de Rugby ..... de Pontevedra para coñecer a modalidade deportiva de Rugby Tag.

Moitísimas grazas!!

Pasámolo xenial!!

APRENDEMOS NOCIÓNS DE XADREZ

 O alumnado de 3º recibíu nocións básicas de xadrez nunha interesante sesión a cargo da Escola de Xadrez de Pontevedra.

Puideron practicar tamén nas aulas do aprendido na xornada, durante a hora de ler.

Moitas grazas!

XORNADA DE JUDO EN 3º

 O alumnado de 3º de Primaria segue recibindo visitas de entrenadores profesionais durante as sesións de EF para así prepararse de cara á gran xornada deportiva que disfrutarán en Pontevedra en vindeiras datas.

Moitas grazas por visitar  o noso centro!

XOGADE INTERCENTROS EN BARRO

O alumnado de 3º de Primaria gozou a pasada semana dunha magnífica xornada deportiva e de convivencia no Pavillón Municipal onde recibiron, como grandes anfitrións, aos compañeiros e compañeiras de nivel do CEIP Isidora Riestra de Poio.

Ata pronto!

XOGADE INTERCENTROS EN PONTEVEDRA

Fantástica xornada multideportiva  XOGADE INTERCENTROS, desenvolvida en Pontevedra polo noso alumnado de 4º de Primaria co alumnado anfitrión do CEIP Froebel. 

Unha auténtica gozada de mañá, onde os obxectivos lúdicos e de convivencia priorizaron en todo momento sobre os competitivos.

APRENDEMOS BALONMÁN

Xogadores da SD Teucro de Pontevedra achegáronse ata Barro para manter un interesante encontro deportivo co alumnado de 3º e 4º de Primaria. En primeiro lugar, explicaron as reglas básicas do balonmán para, seguidamente, poñelas en práctica na pista, abrindo así o abano de posibilidades motrices das nenas e nenos, que se divertiron un montón.

Moitísimas grazas!!!

INICIACIÓN AO TENIS

O alumnado de 3º e 4º de Primaria gozou onte, no pavillón do Concello, dunha actividade de iniciación ao tenis organizada polo profesorado de Ed. Física do noso centro en colaboración coa Secretaría Xeral para o Deporte da Xunta de Galicia.

Carlos Coira (coordinador da Federación Galega de Tenis) e os técnicos Manuel Acuña, Abraham Barros e Alexander González, lograron transmitir ao alumnado a paixón por este deporte tan saudábel.

MOITÍSIMAS GRAZAS ! ! !

EXPOSICIÓN "DE PONTEVEDRA A RÍO 2016" E CHARLA SOBRE FAIR PLAY

     O mércores 3 de maio, o alumnado de 3º e 4º asistiu ao Concello para ver a exposición "De Pontevedra a Río 2016" e para saber o que significa o Fair Play.

     José Sanmartín que, ademais de tenente de alcalde é o Presidente de Barro C.F., explicounos unha chea de cousas sobre os deportes e deportistas que aparecían nos enormes cartaces da exposición. E, xunto a Jaime Otero, que é o Delegado de Pontevedra da Federación Galega de Fútbol, e Daniel Montoto, que é árbitro, falaron da importancia do Fair Play ou xogo limpo en calquera tipo de deporte e na vida diaria. Basicamente consiste en non facer trampas, preocuparse d@s demais e non só de nós, saber gañar, saber perder e esforzarse sempre, sempre, sempre por facer as cousas o mellor posible, aínda que non academos os resultados esperados.

ENCANTOUNOS ! ! !

MOITÍSIMAS GRAZAS ! ! !