MARTIÑO E O CAMIÑO. Misión 1

Hoxe foi un día especial xa que recibimos a mensaxe dun novo amigo, MARTIÑO. 

Martiño é un rapaz que chegou a nosa biblioteca cun libro debaixo do seu brazo, O clan de Martiño de Roberto Rivas, Iván Bello e Ana Seoane que nos acercaron a historia de Barro dende a Prehistoria ata a actualidade. 

Grazas por este marabilloso regalo literario que fixo que Martiño e a súa familia quedasen a vivir na nosa biblioteca.

Nesta carta Martiño contounos con axuda de Mimi que ten un soño: realizar o camiño de Santiago. Así que pediunos axuda para descubrir esta ruta tan interesante a través dunhas misións que podedes coñecer na seguinte web:

 https://sites.google.com/view/o-camio-de-santiago/introdución.

A primeira misión consistiu en investigar sobre a orixe do camiño, as rutas existentes, os símbolos que o representan e guían aos peregrinos... Polo que con axuda dos nosos ordenadores e a través do traballo en equipo conseguimos completar esta misión.

Un libro, un tesouro.

O 23 de abril é o Día internacional do Libro. Data establecida Pola UNESCO en 1995 atendendo á casualidade da morte dos escritores  Miguel de Cervantes, William Shakespeare e o inca Garcilaso de la Vega.

Unha conmemoración que se festexa en todo o mundo e que busca, sobre todo, fomentar a lectura.

Os nosos nenos e nenas de 3° non quixeron ser menos e por iso crearon estas animacións.

Para crecer e crecer moitos contos debes ler!

AMIGO/A LECTOR/A

Hoxe, 23 de abril, celébrase o Día do Libro e os rapaces e rapazas de 4º participaron nun amig@ invisible un pouco peculiar, xa que o agasallo non era ningún obxecto físico senón unha viaxe a outros mundos: mundos fantásticos, reinos encantados, illas desertas, covas enmeigadas... Como é isto posible? Pois porque o seu agasallo foi unha lectura escollida persoalmente para o seu amig@ invisible.

En primeiro lugar, houbo que elaborar as tarxetas para o cal os mozos e mozas de 4º se puxeron enseguida mans a obra, recortando e pegando ese globo que transportará ao seu amig@ a un mundo de diversión.

Despois, tocou ir a biblioteca en modo silencioso, case como espías, para que o amig@ secret@ non se decatase de que libro lle iamos regalar. Unha vez elixido, houbo que escribilo con moito sixilo na tarxeta sen que ninguén vise o escrito.

E, finalmente, chegou a mellor parte: entregar o noso gran agasallo!

FELICES LECTURAS!

A PASCUA CHEGOU

Para celebrar a Pascua, os nenos e nenas de terceiro curso decidiron elaborar uns lapiseiros para gardar as súas ferramentas de traballo. Ademais, aproveitaron o derradeiro día de clase, antes das vacacións, para decorar uns ovos de Pascua co obxecto de regalarllos a compañeiros, compañeiras e familiares.

Desfrutade das vacacións! 

Regresamos en breve. 

OBRADOIRO HABILIDADES SOCIAIS

    O mércores, día 10 de abril, o alumnado de 3º nivel participou nun obradoiro de Habilidades Sociais promovido polo Concello de Barro e desenvolvido por Julia Búa, técnica en prevención de drogodependencias e condutas adictivas.

Traballaron coas emocións e o valor da autoestima e reflexionaron sobre sí mesmos, especialmente no tocante a importancia e valor das cualidades de cadaquén.

Moitísimas Grazas, Julia!!!

Preparándonos para unha emerxencia!

O alumnado de 3º de Primaria recibiu onte unha sesión de primerios auxilios impartida por Eloi Carramal Búa, enfermeiro, para saber como debemos actuar ante unha emerxencia.

As nenas e nenos participaron nunhas simulacións nas que tiñan que colocar a persoa "enferma" na posición correcta, recordar o número de urxencias e, incluso, tomarlle o pulso para comprobar que estaba dentro dos parámetros adecuados.

Unha gran lección!

Moitísimas grazas, Eloi!!!

No país das bolboretas...

Velaquí estamos nós co traballo que presentamos no Salón do Libro de Pontevedra. Leva por título:

"No país das bolboretas cadaquén fai o que lle peta"

 

No blog de MIMI podedes ler máis sobre a elaboración deste traballo:
https://oblogdemimi.blogspot.com/2019/04/salon-do-libro-infantil-e-xuvenil-de.html 

OBRADOIRO ILUSTRACIÓN

A visita ao Salón do libro de Pontevedra vai acompañada dun obradoiro para o alumnado dos centros colaboradores. O alumnado de 4º curso tivo o privilexo de contar cun obradoiro de ilustración da man de André Neves, ilustrador, entre outros, de Orellas de bolboreta, Amelia quere un can, Entre nubes,.. De orixe brasileiro, é un dos convidados de excepción este ano no Salón, no que se homenaxea á cultura lusófona.

No obradoiro, André pediunos que completásemos as nosas ilustracións e que contásemos as historias que creamos. Así o fixemos durante esta semana e aquí amosamos o froito do noso traballo:

 

Aprendimos que coas ilustracións os libros cóntannos dúas historias: a das palabras e a das imaxes. Resultou moi interesante!

Grazas, André!

EXPERIMENTAMOS COA MATERIA

Hai uns días, Mimi Pirata enviounos unha carta onde nos contaba que “para un tesouro encontrar, tres mesturas debía separar”, así que pediunos a nosa axuda para cumprir con ese desafío.

Agochado nunha caixa, deixounos as tres mesturas (area con anaquiños de ferro, area con anaquiños de cortiza  e aceite mesturado con auga) e os únicos utensilios que poderíamos usar para separalas (un vaso con auga, un vaso baleiro, un imán e unha culler). 

As mozas e mozos de 4º con moita emoción puxéronse en marcha para resolver o reto e, finalmente, conseguírono. Realizaron os experimentos e comunicáronllo a Mimi para que puidese resolvelo ela tamén. A cambio, Mimi envioulles unhas pezas novas para o mapa do tesouro que están buscando.