TINGUIMOS CARAVEIS DE CORES

Na clase de terceiro fixemos un experimento que consistiu en tinguir caraveis de cores. Primeiro escribimos o noso nome nun vaso e colocamos o caravel. A continuación, botamos auga e un pouco de colorante da cor elexida. Este foi o resultado!

O alumnado de terceiro entrevista ao futbolista Iago Aspas

Durante o pasado curso 2020-2021, o alumnado que actualmente está en terceiro realizou un proxecto relacionado cos deportes e coa vida saudable. Por iso, prepararon varias entrevistas para realizarlle a deportistas profesionais, unha delas ao nadador paralímpico Pablo Cimadevila e outra ao futbolista do RC Celta e da Selección Española, Iago Aspas.

Aínda que Iago Aspas fíxose de rogar e tocou agardar, quixo cumprir a súa promesa e realizar a entrevista. 

Moitas gracias, Iago!!!

Derradeiro capítulo de "O podcast de terceiro": "Curiosidades de animais"

O alumnado de 3ºB despídese co último capítulo do podcast que estiveron gravando este curso. Nesta ocasión fálannos de animais, contando datos e curiosidades acerca de numerosas especies. Coma sempre, podedes escoitalo en Spotify e en Ivoox.

Esperemos que vos guste e, como din os protagonistas... Suscribídevos, activade a campaniña e dádelle á "like"!

 

EXCURSIÓN DE FIN DE CURSO!

Chegou xuño e con el a excursión de fin de curso! As nenas e os nenos de 3º fixeron unha viaxe inesquecible! Primeiro, visitamos a Praia de Carril, onde exploramos as diferentes especies mariñas que iamos atopando. Cando a marea o permitiu, cruzamos en barco á Illa de Cortegada. Aí apareceron os nervios, pero resultou un traxecto moi divertido. Na illa puidemos desfrutar da natureza, bañármonos e pasalo en grande con boa compañía! O tempo pasou voando. Foi un día para recordar!

Como ser ecoperegrin@

O próximo domingo, 5 de xuño, celébrase o Día Mundial do Medio Ambiente e o alumnado de terceiro preparou un vídeo moi especial e divertido para conmemoralo. 

Trátase dunhas recomendacións que lles quixeron facer aos peregrinos e peregrinas que pasan polo noso pobo facendo o Camiño de Santiago. Poderán ver estes consellos escaneando un código QR que aparecerá nos cartaces que o Concello vai colocar proximamente.

 

Esperamos que vos guste!

En terceiro dicimos NON AO BULLYING!

Hoxe, luns 2 de maio de 2022, conmemórase o Día Internacional Contra o Acoso Escolar. Por iso, os rapaces e rapazas de terceiro quixemos gravar un vídeo narrando o conto Orellas de bolboreta de Luisa Aguilar e André Neves. Trátase dunha fermosa obra coa que se busca concienciar sobre este tema. 

No CEIP Amor Ruibal dicimos 

NON AO BULLYING!!!

Descubrindo A Coruña!

O pasado luns, as nenas e nenos de 3º de Primaria desfrutaron dunha xornada moi completa e especial, pois visitaron na cidade da Coruña o Domus, o acuario, a praia e a Torre de Hércules.

Pasámolo xenial!!!

Novo episodio de "O podcast de terceiro" - Mulleres científicas galegas

O día 11 de febreiro conmemórase o Día Internacional da Muller e a Nena na Ciencia, e as rapazas e rapaces de 3ºA e 3ºB quixeron investigar sobre algunhas das científicas galegas máis destacadas. 

Aquí está o resultado!

Podedes escoitalo a través de iVoox e tamén a través de Spotify:

Se o preferides, tamén podedes escanear os seguintes códigos QR para reproducilos dende un móbil ou dende unha tablet:

QR PARA REPRODUCIR EN IVOOX:

QR PARA REPRODUCIR EN SPOTIFY:

Coas mans na arxila!

O alumnado de 3º de Primaria gozou un montón traballando coa arxila para crear os seus propios volcáns. Por suposto, para rematar as maquetas, puxémolos en acción! 

Botade unha ollada ao noso experimento!

O alumnado de 3º envía as súas cartas de apoio aos nenos e nenas da Palma

A pasada semana escribimos unhas cartas para enviarllas a un colexio da Palma e así animar aos rapaces e rapazas da illa, que están a pasar momentos complicados. 

En Barro estamos con vós!!! 

Moita forza!!!!