COÑECER PARA CONSERVAR

 Hoxe veu visitarnos Yolanda que é oceanográfica e investigadora no Centro de Investigación Mariña da Universidade de Vigo. A súa visita enmárcase dentro do proxecto  "Alfabetización oceánica. Coñecer para conservar" e parte da premisa que "se coñecemos mellor os ecosistemas seremos quen de preservalos mellor". 

Fixemos catro obradoiros: un de recoñecemento de imaxes impresas con microscopio e imaxe real, outro de recoñecemento de animais e os seus hábitats, un de contaminación nas praias e, por último, un de estudo da area a través dun visor microscópico. 

Falounos un pouco do seu traballo no CIM, da importancia dos océanos para a vida na Terra, da necesidade de deixar de contaminar o noso planeta e algunha que outra característica curiosa do melgacho ou pintarroja, da lamprea, do plancton...

A continuación deixamos unhas imaxes do que foron estes obradoiros.

 MOITAS GRAZAS YOLANDA!! 

GRAZAS POR ESTE TIPO DE INICIATIVAS TAN ENRIQUECEDORAS!!

OBRADOIROS DE ARQUITECTURA NO 2º CICLO

 Con motivo do Día Mundial da Arquitectura, que se celebra o primeiro luns de outubro, fixemos unhs obradoiros vencellados a esta disciplina da man de Sheila García e asociación Cultura Tirante e o Colectivo Costa Oeste.

 As alumnas e alumnos do segundo ciclo tivemos a oportunidade de participar en catro obradoiros, distribudos por cursos, e onde poidemos explorar o espazo, os materiais e a luz dende o eido da arquitectura.

 Elaboramos maquetas onde deseñamos como nos gustaría que fose o espazo público, como nos imaxinamos que sería a nosa casa dentro de cen anos, sobre a paisaxe galega e estoxos decorados por transferencia textil con imaxes da arquitectura moderna.

A continuación deixamos imaxes de diferentes momentos dos obradoiros: 

 

Hoxe, venres, fomos ver a exposición dos nosos traballos e unha colección de fotografías relacionadas coa arquitectura. 

                    VELAÍ O NOSO TRABALLO!! 

       Moitas grazas Sheila pola túa labor e o teu bo facer!! 

 

VISITA Á ILLA DE SAN SIMÓN

 O pasado mércores o alumnado de 3º e 4º de primaria fixemos unha saída á Illa de San Simón. Alí explicáronnos un montón de lendas e curiosidades fascinantes.Tamén puidemos coñecer a illa en profundidade grazas a unha divertida e emocionante xincana chea de probas. 

           Pasámolo xenial!!! 

MARTIÑO E O CAMIÑO

E igual que o curso vai chegando ao seu fin... o proxecto Martiño e o Camiño tamén remata despois dunhas cantas horas de investigación e diversión, somerxéndonos entre diferentes textos, experimentando coa robótica e descubrindo a Realidade Aumentada.

Pouco a pouco fomos superando cada unha das misións e agora queremos compartir convosco todo o traballo que realizamos, por iso se pulsades sobre a seguinte imaxe accederedes a un documento con todas as nosas tarefas.

MARTIÑO E O CAMIÑO. Unha bandeira para Martiño

Durante o proxecto `Martiño e o Camiño´, ocorréusenos que, para a súa peregrinación a Santiago, Martiño debería levar con el unha bandeira que o identificase. Así que, puxémonos mans a obra e deseñamos unhas bandeiras ven chulas que podedes ver neste documento:

https://issuu.com/colexiodebarro/docs/bandeiras

Ademais, coa axuda dunha app de Realidade Aumentada chamada Quiver, conseguimos que esas bandeiras tomasen vida e ondeasen coma se fosen de verdade. Animádevos a facer vós a proba usando o pdf que aparece máis arriba!

MARTIÑO E O CAMIÑO. Misión 4

Superadas todas as misións, Martiño preguntounos se seriamos quen de transformar esas rutas tan antigas do Camiño de Santiago, que investigamos na misión 2, en rutas transitables para robots:

 https://sites.google.com/view/o-camio-de-santiago/misión-4 

Así que puxémonos mans a obra. En primeiro lugar, deseñamos as rutas en papel seguindo os códigos de Ozobot, ou mellor dito de `MartiñoBot´, pois finalmente personalizamos o noso robot coa imaxe de Martiño. Unha vez deseñadas en papel, tocou coller os robots e comprobar que estes funcionaban perfectamente sobre cada ruta e se lle podían propor a Martiño.

Comprobadas as rutas robotizadas, debuxámolas no mapa da Península Ibérica para pasar a última proba de deseño, que por certo foi todo un éxito.

Todos os retos conseguidos, e misión superada con éxito!!

Parabéns grumetes!!

MARTIÑO E O CAMIÑO. Misión 3

A misión 3 estaba directamente relacionada coa seguridade viaria en bicicleta xa que a Martiño se lle ocorreu facer unha das rutas do Camiño de Santiago neste medio de transporte. Para iso unha vez máis tivemos que facer uso do site de investigación onde aprendemos moito sobre elementos de seguridade, normas e sinais de circulación para finalmente crear un tríptico informativo.

Unha vez rematados os trípticos, tocou o momento de xogar co Bee Bot para resolver os retos cos que Martiño se atopou na vía. Foi moi divertido buscar o sinal que daba resposta ao reto proposto.

A Pirata Mimi ensina as Illas Cíes

O alumnado de 3º e 4º de Educación Primaria foi de excursión de fin de curso ás Illas Cíes. Esta visita permitulle contemplar cos seus propios ollos contidos traballados durante todo o curso, como a gran variedade de vexetación das illas, a diversidade de especies mariñas ou as graves consecuencias que tivo a catástrofe do Prestige para o Parque Nacional Marítimo Terrestre das Illas Atlánticas. 

Foi unha experiencia moi enriquecedora xa que as nenas e os nenos puideron comprobar en primeira persoa todos os datos recollidos nos meses anteriores. E, sobre todo, descubrir o lugar no que habita a Pirata Mimi, a encargada durante o curso de enviar tarefas e dar información ao alumnado de 3º e 4º.

Tamén houbo tempo para o desfrute e a ledicia de celebrar a recta final deste curso 2018 - 2019 en sintonía e boísima compañía.

Unha auténtica gozada!!!

A PIRATA MIMI

Durante o verán pasado Mimi descubriu que é familia do último pirata do Atlántico, sabedes quen é? Efectivamente, é o pirata pontevedrés Benito Soto. 

Este descubrimento fíxolle moita ilusión e quixo compartilo connosco propóndonos un conxunto de retos propios dos máis hábiles grumetes, posto que para resolvelos precisamos usar habilidades de linguaxe, coñecementos matemáticos e científicos, destrezas de debuxo, traballar en grupo, realizar investigacións....

Cada certo tempo Mimi enviábanos unha carta na que nos dicía que reto debíamos afrontar e despois de superalo nos mandaba unha peza dun quebracabezas que representaba o mapa dun tesouro que tiña agochado o pirata Benito Soto. 

Reto a reto, a veces con algunha que outra dificultade, fomos construíndo o mapa do tesouro que finalmente nos levou a coñecer o Parque Nacional das Illas Cíes.

Ben feito grumetes!!

MARTIÑO E O CAMIÑO. Misión 2

Tras completar a primeira misión xa estabamos listos para continuar cos retos de Martiño, así que recibimos outra carta na que se nos pedía que investigásemos sobre 4 rutas do camiño: a Vía da Prata, o Camiño Francés, o Camiño Inglés e o Camiño Portugués. A cada grupo tocounos investigar sobre unha etapa diferente e descubrir que personaxe ou monumento era o máis relevante dese lugar. 

Descubrimos cousas ben interesantes e se vós tamén queredes descubrilas podedes consultar a misión 2 no seguinte enlace:

https://sites.google.com/view/o-camio-de-santiago/misión-2

MARTIÑO E O CAMIÑO. As lonxitudes do camiño

Como complemento á primeira misión e co fin de axudar a Martiño a elixir a ruta a facer para chegar ata Santiago, dende a área de mates estivemos buscando as lonxitudes de cada unha das rutas para rexistralas nunha táboa de datos e posteriormente convertelos nun gráfico de barras. 

A que agora é máis sinxelo tomar unha decisión? 

A ver que nos conta Martiño na seguinte misión!

MARTIÑO E O CAMIÑO. Misión 1

Hoxe foi un día especial xa que recibimos a mensaxe dun novo amigo, MARTIÑO. 

Martiño é un rapaz que chegou a nosa biblioteca cun libro debaixo do seu brazo, O clan de Martiño de Roberto Rivas, Iván Bello e Ana Seoane que nos acercaron a historia de Barro dende a Prehistoria ata a actualidade. 

Grazas por este marabilloso regalo literario que fixo que Martiño e a súa familia quedasen a vivir na nosa biblioteca.

Nesta carta Martiño contounos con axuda de Mimi que ten un soño: realizar o camiño de Santiago. Así que pediunos axuda para descubrir esta ruta tan interesante a través dunhas misións que podedes coñecer na seguinte web:

 https://sites.google.com/view/o-camio-de-santiago/introdución.

A primeira misión consistiu en investigar sobre a orixe do camiño, as rutas existentes, os símbolos que o representan e guían aos peregrinos... Polo que con axuda dos nosos ordenadores e a través do traballo en equipo conseguimos completar esta misión.

No país das bolboretas...

Velaquí estamos nós co traballo que presentamos no Salón do Libro de Pontevedra. Leva por título:

"No país das bolboretas cadaquén fai o que lle peta"

 

No blog de MIMI podedes ler máis sobre a elaboración deste traballo:
https://oblogdemimi.blogspot.com/2019/04/salon-do-libro-infantil-e-xuvenil-de.html 

A REVOLUCIÓN DAS BOLBORETAS

Este ano o proxecto do centro baseouse na “Revolución”, tema proposto pola organización do XX Salón Internacional do Libro Infantil e Xuvenil de Pontevedra no que o alumnado de 3º e 4º de EP participamos tódolos anos.

Tendo en conta esta temática e que o autor homenaxeado neste Salón do Libro é Antonio García Teijeiro, Premio Nacional de Literatura Infantil e Xuvenil, puxémonos a remexer entre os libros da biblioteca e tivemos a sorte de descubrir un libro moi divertido: Bolboretas no papel; un poemario no que se atopa o poema No país das bolboretas cadaquén fai o que lle peta e que nos pareceu do mais axeitado a temática deste ano.

Unha vez elixido o libro a partir do cal elaborar os nosos traballos o resto do proceso foi moi divertido. Primeiro comezamos pola lectura dos poemas, que foi do máis entretida grazas aos disparates que neles se poden ler. De feito se queres coñecer un cachiño deste libro podes escoitar uns audios que nos mesmos gravamos no seguinte enlace (site).

Despois puxémonos mans a obra e comezamos a crear os nosos propios poemas seguindo a fórmula proposta por Antonio G Teijeiro: “No país das bolboretas cadaquén fai o que lle peta... Esta foi unha tarefa un pouco difícil pero moi entretida na que puidemos botar a nosa imaxinación a voar. Pronto poderedes lelos na seguinte web: https://sites.google.com/view/as-nosas-bolboretas.

Canto máis traballamos con este poemario, máis curiosidade tiñamos sobre o seu autor, así que decidimos investigar sobre a súa biografía e crear unha liña da vida cos datos máis relevantes da mesma.

Finalmente e para que todos lle poñades cara a este orixinal poeta fixemos uns retratos do autor que nos quedaron ben xeitosos, va que si?.