ESTUDAMOS OS ANIMAIS

Para aprender as características dos animais vertebrados fixemos estes murais tan completos!!

 

Derradeiro capítulo de "O podcast de terceiro": "Curiosidades de animais"

O alumnado de 3ºB despídese co último capítulo do podcast que estiveron gravando este curso. Nesta ocasión fálannos de animais, contando datos e curiosidades acerca de numerosas especies. Coma sempre, podedes escoitalo en Spotify e en Ivoox.

Esperemos que vos guste e, como din os protagonistas... Suscribídevos, activade a campaniña e dádelle á "like"!

 

PENSAMENTOS CREATIVOS

Nesta ocasión, as nenas e nenos de 4º puxeron en práctica o aprendido no 1º trimestre para plasmar en diversos thinking maps os distintos tipos de animais vertebrados e invertebrados que investigaron.

Unha vez feitos, a través da técnica de aprendizaxe cooperativo "quebracabezas", transmitiron a información adquirida ó resto de compañeiros e compañeiras para que todos e todas tiveran coñecementos dos distintos tipos de animais.

Aquí vos deixamos unha pequena mostra da tarefa:

IMAXINACIÓN MITOLÓXICA

Os cativos e cativas de 3º de primaria empregaron as súas grandes dotes de imaxinación e creatividade para inventar os seus propios animais mitolóxicos. Primeiro describíronos fisicamente e, a continuación, explicaron cales eran os seus poderes sobrenaturais.

Esta actividade serviunos para crear un libro que introducimos na biblioteca de aula, co fin de incluir nas súas lecturas diarias as súas propias producións.

MundAni (Mundo Animal)

Estas últimas semanas na aula de 3º estivemos aprendendo cousas novas sobre os animais, e que mellor forma de facelo que construíndo o noso propio xogo.

Primeiro tivemos que investigar sobre o animal que nos tocou e cubrir unha ficha de datos.

Despois con un pouco de axuda pasamos esa información ao ordenador para crear uns cromos.

Unha vez impresos tocou recortalos e pegalos para poder rematar de montar o cromo, e plastificalos para que nos duren moito tempo.

O seguinte paso custounos un pouco máis, foi inventar un nome atractivo para o xogo, pero finalmente en grupo pensamos que MundAni era o máis axeitado.

E co xogo xa montado chegou a parte máis divertida: XOGAR! E que mellor que facéndoo en gran grupo cos compañeiros/as?

Ah! Temos unha SORPRESA. Deixámosvos aquí o xogo para que se queredes "na casa" o imprimades e construades o voso.

Se tedes algúnha dúbida estaremos encantados/as de ensinarvos como se xoga.

QUE ANIMAL ES?

As nenas e nenos de terceiro estiveron facendo un proxecto xenial sobre os animais. Aprenderon moítisimas cousas interesantes sobre eles.

De cada un dos animais que lle tocou a cada un/unha tiveron que investigar en distas fontes escritas e audiovisuais. Despois de seleccionar a información, plasmáronna en distintas follas deseñadas para formar os libros que levan por título: "Que animal es?"

Cando os libros estiveron rematados, prepararon unha presentación do traballo realizado e invitaron aos seus/súas compañeiros/as á biblioteca do colexio para disfrutar e coñecer un pouco máis de animais coñecidos e non tan coñecidos.

A continuación podedes ver unhas fotos do traballo ben feito:

Que animal es de ceipbarro