5-X. Día Internacional do Medioambiente

     Como ben sabedes, hoxe é o Día Internacional do Medioambiente. No cole fixemos varias actividades relacionadas con esta data. Pero, nas aulas de terceiro tivemos a oportunidade de compartir dúas sesións cunha bióloga que traballa no CIF de Lourizán. 

    María Eugenia Miranda Fontaíña leva moitos anos estudando as árbores autóctonas galegas, entre os seus proxectos atópase un baseado no estudo das cerdeiras.  

     Tróuxonos diverso material e mostrounos como xerminan pequenas cerdeiras "in vitro"e  como son os coidados ata chegar a ser plantadas no solo.

     Explicounos que significa cada anel no corte dun tronco, como é a madeira da cerdeira e que probas fan para darlle o maior número de usos industriais. 

    Para rematar, poidemos facerlle unha breve entrevista e quedamos marabillados do seu saber!

                     Como hoxe foi un día de sorpresas, María traía unha con ela...

    Regalounos unha cerdeiriña que, xa transplantamos, e que teremos que coidar moi ben para poder plantala o ano que vén!

 

    Por último, contarvos que María Eugenia é a nai da nosa profe de sexto de primaria, María, e que, grazas a súa xestión, hoxe poido estar con nós. Moitas grazas, profe!!

 

GRAZAS, MARÍA EUGENIA, POR VIR ATA O NOSO COLE E ENSINARNOS O TEU TRABALLO XUNT@S FACEMOS CAMIÑO!! 

 

 

Letras Galegas 2026: Begoña Caamaño

     Ao longo das últimas semanas, nas aulas de terceiro do cole, estivemos traballando a figura da escritora homenaxeada este ano polas letras galegas: Begoña Caamaño.

                                                             Fixémolo de diferentes xeitos.

      En proxecto competencial quixemos dar o noso toque persoal a un retrato seu, cada un imaxinou a súa cara e debuxouna, aquí tedes o resultado!

As familias contan...Sandra

 Hoxe estivo nas aulas de terceiro, Sandra, mamá de Sofía da clase de 3ºA. Sandra é licenciada en Historia e durante uns anos da súa vida traballou como arqueóloga. Invitámola a que viñera á clase a contarnos en que consiste o traballo dun arqueólogo. 

 Falounos de moitas cousas relacionadas coa súa experiencia e tamén traía unha presenación coa que nos explicou moi ben en que consiste a arqueoloxía.

     Mirade que atentas e atentos estamos, era unha delicia escoitar as súas explicacións!

Despois de rematar a súa charla, fixémoslle unha entrevista, onde saíron anécdotas e onde varias compañeiras e compañeiros mostraron o seu desexo de ser arqueólogos de maiores!
 

Como mostra dos "tesouros" que pode atopar unha arqueóloga, tróuxonos unhas monedas moi, pero que moi antigas! unha data do medievo e a outra data de tempos romanos!! 

 

GRAZAS, SANDRA, POR ACERCARNOS A ARQUEOLOXÍA ÁS AULAS! 

Feliz día, FAMILIA!!!!

 Hoxe, 15 de maio, é o Día Internacional da Familia. Con tal motivo, nas aulas de terceiro do cole, fixemos uns chaveiros en madeira e unha postal, nela escribimos o que nos fai sentir a nosa familia. 

 

                                                                  Velaí o resultado!

                  FELIZ DÍA DA FAMILIA!!!

2-M

     O 2 de maio conmemorouse o Día internacional contra o acoso e a violencia nas aulas. Con tal motivo no cole imos visionar unha serie de curtas para reflexionar sobre este tema. 

    Asemade, na aula de música, as nenas e nenos están traballando unha canción moi fermosa titulada "Bonito es", canción creada polo colexio Lourdes Fuhem que,  baixo o lema "o bonito é que a xente se queira", promove o respeto, a convivencia positiva e a loita contra a violencia nas aulas.

     Nas aulas de terceiro, tomando como punto de partida a canción anteriormente mencionada, elaboramos este mural. A través del buscamos encher o noso colexio de palabras fermosas de cariño cara as nosas compañeiras e compañeiros.

                    NON Á VIOLENCIA NAS ESCOLAS!!

Día do Libro 2026

    Onte conmemoramos o Día do libro e con tal motivo, nas aulas de terceiro fixemos diferentes actividades. 

    En primeiro lugar, fixemos unha bonita árbore cargada de portadas de libros, pero non unhas portadas calquera!, as portadas dos nosos libros favoritos.

  

Quedou moi chula!!

 

    Como somos uns "gozóns" da lectura, fixemos un marcapáxinas e un colgador para a porta do noso cuarto para que non nos molesten cando estamos lendo. 

 

 

Por último, mirade que guapas e guapos saímos cos nosos traballos!

 

 

                        QUE VIVAN OS LIBROS!!!!!!!!!!!

 

Ecosistemas!

     Durante estas últimas semanas, nas aulas de terceiro do noso cole, estivemos estudando as características principais dos ecosistemas acuático, terrestre e mixto. 

    Tras ter ben clariño a teoría, fixemos unhas maquetas representando estes ecosistemas, hoxe expusémolos aos nosos compañeiros, velaí o resultado.

 

CANTO DESFRUTAMOS EN CIENCIAS!!!! 

 

 

Disfraces do segundo ciclo!!

 Como ben sabedes, no cole estamos a traballar todo o relacionado coa novena arte: a banda deseñada, dentro do proxecto "NovenArte".

Con tal motivo, este curso, co noso disfrace, quixemos converternos en onomatopeas de cómic. Mirade que guapiñas e guapiños ibamos...

 

    

                        VIVA O ENTROIDO!!!!!!!!!!!

Feliz día da Candeloria!!

 Hoxe, 2 de febreiro, é o día da Candeloria, o día das candeas,  o día do amor en Galicia, o día no que casan os paxariños... está claro que na nosa cultura este é un día importante, posto que marca o final próximo do inverno e o pronto despertar da natureza.

A nós, no cole, gústanos celebralo como "o día no que casan os paxariños", tradición oral moi arraigada no noso concello.  Cada 2 de febreiro nalgunha das nosas casas escóitase "hoxe os paxariños casan". 

 Para conmemorar este día, nas aulas de terceiro, enchemos as ventás de fermosos paxaros.

 

 Ademais, fixemos unha breve recollida de refráns relacionados con este día.

 FELIZ DÍA DA CANDELORIA💕

 

COÑECER PARA CONSERVAR

 Hoxe veu visitarnos Yolanda que é oceanográfica e investigadora no Centro de Investigación Mariña da Universidade de Vigo. A súa visita enmárcase dentro do proxecto  "Alfabetización oceánica. Coñecer para conservar" e parte da premisa que "se coñecemos mellor os ecosistemas seremos quen de preservalos mellor". 

Fixemos catro obradoiros: un de recoñecemento de imaxes impresas con microscopio e imaxe real, outro de recoñecemento de animais e os seus hábitats, un de contaminación nas praias e, por último, un de estudo da area a través dun visor microscópico. 

Falounos un pouco do seu traballo no CIM, da importancia dos océanos para a vida na Terra, da necesidade de deixar de contaminar o noso planeta e algunha que outra característica curiosa do melgacho ou pintarroja, da lamprea, do plancton...

A continuación deixamos unhas imaxes do que foron estes obradoiros.

 MOITAS GRAZAS YOLANDA!! 

GRAZAS POR ESTE TIPO DE INICIATIVAS TAN ENRIQUECEDORAS!!