23 DE ABRIL DÍA DO LIBRO

 HOXE CELEBRAMOS  "O DÍA DO LIBRO" E O ALUMNADO DE 3º E.P. DO CEIP AMOR RUIBAL QUÉREVOS FACER UNHAS PEQUENAS RECOMENDACIÓNS LECTORAS.

ESPERAMOS QUE VOS GUSTEN E DISFRUTEDES CON ESTAS LECTURAS.

E XA SABEDES... O QUE LE MOITO, SABE MOITO!!!

PROCESO DIXESTIVO, EXPERIMENTANDO.

As nenas e nenos de 3º estiveron estudando durante un longo tempo o corpo humano, e o normal é que xurdiran dúbidas e curiosidades. Unha das curiosidades que tiveron foi como se producía a "caca" no noso corpo. E que mellor maneira que experimentar e poñérmonos mans á obra para sabelo.

Ensinámosvos unha serie de fotos que reflicten perfectamente o proceso dixestivo. 

Nestas primeiras fotos pódese ver a simulación da nosa boca, onde se produce a masticación. As mans das nenas e nenos son os dentes.

O seguinte bloque de fotos simula a salivación e a formación do bolo alimenticio na boca.

No terceiro grupo de fotos, podemos ver como o bolo alimenticio pasa ao estómago (que o representamos coas bolsas de conxelar).

Nas seguintes fotos podedes ver como entran en acción os ácidos gástricos do estómago (fixémolo con vinagre) que, xunto cos músculos do estómago (mans dos nenos e nenas), seguen traballando no proceso dixestivo, desmenuzando o bolo alimenticio.

Despois do estómago, pasamos ao intestino delgado (fixémolo cunha media simulando o noso intestino, onde seguían apretando e vendo como saían os nutrientes esenciais para o noso corpo). Aquí foi divertido porque se deron conta de porqué a nosa "caca" ten ese cheiro tan peculiar.

Por último, vimos como do intestino delgado pasa ao groso (representámolo con papel de cociña que exerce a labor do intestino groso) e saía formada a nosa "caca".

O "GUERNICA" DE PICASSO

 No marco da conmemoración do Día Escolar da non Violencia e da Paz, o alumnado de 4º de Primaria desenvolveu interesantes actividades artísticas, de lectoescritura e de valores, tomando como eixo central o Guernica de Pablo Picasso.

A partir do famoso cadro, o alumnado reflexionou sobre as fatais consecuencias da guerra para a infancia como a traxedia dos nenos soldados, as mortes, as enfermidades, a dor ou a vulneración dos dereitos máis básicos (familia, vivenda, alimentación, educación...).

Logo, cada nena e cada neno decorou o seu propio "Guernica" e completouno con mensaxes en contra da guerra e a favor dunha convivencia pacífica.

Magníficos traballos!!!

"Todas as guerras,

xustas ou inxustas,

desastrosas ou vitoriosas,

son guerras contra os nenos".

(Eglantyne Jebb, 

promotora dos Dereitos da Infancia

e fundadora de Save the Children)

LAPBOOK SISTEMA SOLAR

COMO PRODUCTO FINAL DO PROXECTO "UN UNIVERSO POR DESCUBRIR: O SISTEMA SOLAR" O ALUMNADO DE 3º DE PRIMARIA ELABOROU UN LAPBOOK QUE RECOLLE A INFORMACIÓN MÁIS DESTACADA.

AS NENAS E NENOS FIXERON UN GRAN TRABALLO QUE QUEDA REFLECTIDO NESTES CHULÍSIMOS LAPBOOKS. 

MIRADE QUE COUSAS MÁIS BONITAS:

SOMOS UNHAS MÁQUINAS!!

ESTE GRAN TRABALLO FIRÉRONNO AS NENAS E OS NENOS DE 3º DE PRIMARIA NAS SÚAS CASAS, COA COLABORACIÓN DA FAMILIA. DESPOIS, NO COLE, EXPLICARON QUE MATERIAIS EMPREGARON, QUE PASOS TIVERON QUE DAR PARA LEVALO A CABO, PARA QUE SERVÍA A SÚA MÁQUINA, ETC.

DEIXAMOS UNHA MOSTRA DO TRABALLO E AGRADECEMOS ÁS FAMILIAS A SÚA COLABORACIÓN.

Mesturando, mesturando...

Mesturando, mesturando... Dentro do proxecto da materia estivemos facendo mesturas homoxéneas, neste caso pasta de sal. Pasámolo xenial amasando a nosa mestura e tamén enzoufándonos un pouco, ou un moito.

Deixamos un vídeo de mostra!!!