Caixas magosteiras!!

 Hoxe celebramos o magosto no cole, nas aulas de terceiro quixemos facer unhas caixas para poder recoller as nosas castañas asadas e merendalas.

 

 

 Velaí o resultado!!!!

QUEDÁRONNOS FERMOSÍSIMAS!!!!👌

 

FELIZ DÍA...FAMILIAS!!!

HOXE CELÉBRASE O DÍA DA FAMILIA, E OS NENOS E NENAS DE 4ºB QUIXERON FACERLLES ÁS SÚAS FAMILIAS UN PEQUENO DETALLE.

DEIXÁMOSVOS UNHAS FOTIÑAS DA MANUALIDADE TAN BONITA E QUE CON TANTO CARIÑO FIXERON PARA LEVAR AS SÚAS CASAS.

FELIZ DÍA DA FAMILIA

          FELIZ DÍA DA FAMILIA !!!

PREPARADAS E PREPARADOS PARA O ENTROIDO!!!

ESTAMOS PREPARADAS E PREPARADOS PARA O ENTROIDO!!! 

O "GUERNICA" DE PICASSO

 No marco da conmemoración do Día Escolar da non Violencia e da Paz, o alumnado de 4º de Primaria desenvolveu interesantes actividades artísticas, de lectoescritura e de valores, tomando como eixo central o Guernica de Pablo Picasso.

A partir do famoso cadro, o alumnado reflexionou sobre as fatais consecuencias da guerra para a infancia como a traxedia dos nenos soldados, as mortes, as enfermidades, a dor ou a vulneración dos dereitos máis básicos (familia, vivenda, alimentación, educación...).

Logo, cada nena e cada neno decorou o seu propio "Guernica" e completouno con mensaxes en contra da guerra e a favor dunha convivencia pacífica.

Magníficos traballos!!!

"Todas as guerras,

xustas ou inxustas,

desastrosas ou vitoriosas,

son guerras contra os nenos".

(Eglantyne Jebb, 

promotora dos Dereitos da Infancia

e fundadora de Save the Children)

ORIGAMI EN 4º DE PRIMARIA

As nenas e nenos de 4º adicaron esta semana pasada a elaborar figuras de Origami con papel. Os resultados son excelentes.

Parabéns

DÍA DA TERRA

O pasado 22 de abril conmemorouse o Día da Terra e, para celebralo, o alumnado de 4º elaborou unhas fermosas postais.

Aquí vos deixamos os resultados:

#euquedonacasa

"Coas mans na masa"

Os nenos e nenas de 4º estiveron exercendo de chefs e prepararon unhas riquísimas receitas.

Con esta actividade traballamos as Linguas coa expresión escrita, as Matemáticas coas cantidades, a  Plástica coas fotografías e tratamos de que a rapazada se achegase ao mundo da cociña.

Quen sabe... Igual descubrimos que hai moitos nenos e nenas que teñen un futuro prometedor como cociñeiros e cociñeiras.

Aquí vos deixamos estas delicias culinarias.

OÍDO COCIÑA!!!

#euquedonacasa

BÚSCANSE HEROES E HEROÍNAS PARA UN MUNDO MELLOR

Co fin de traballar as descricións, o alumnado de 4º empregou a súa imaxinación para crear o seu propio heroe e a súa propia heroína.

Así, o corredor de cuarto converteuse na busca e captura deste superheroes e superheroínas.

Aquí vos deixamos os resultados:

APRENDEMOS CREANDO

Unha vez máis o alumnado de 4º puxo en práctica o aprendido nas ciencias para crear esta vez, unha maqueta na cal se mostran as capas internas da terra. Esta actividade mesturou contidos propios das ciencias, xunto con outros da área artística.

Que mellor maneira de aprender que manchándonos as mans.

 Aquí deixamos os resultados:

COMO SOMOS POR DENTRO?

Os nenos e nenas de 4º decidiron investigar sobre os distintos órganos que forman o noso corpo. Para conseguilo empregaron diferentes xogos e actividades, agora ben todos tiveron a mesma finalidade: Investigar e profundar nos órganos máis importantes do corpo humano.

Por aquí vos deixamos os resultados:

Porque como di Diane Ackerman: "Xogar é a forma favorita do noso cerebro para aprender". 

E vós queredes xogar? 

MARTIÑO E O CAMIÑO. Unha bandeira para Martiño

Durante o proxecto `Martiño e o Camiño´, ocorréusenos que, para a súa peregrinación a Santiago, Martiño debería levar con el unha bandeira que o identificase. Así que, puxémonos mans a obra e deseñamos unhas bandeiras ven chulas que podedes ver neste documento:

https://issuu.com/colexiodebarro/docs/bandeiras

Ademais, coa axuda dunha app de Realidade Aumentada chamada Quiver, conseguimos que esas bandeiras tomasen vida e ondeasen coma se fosen de verdade. Animádevos a facer vós a proba usando o pdf que aparece máis arriba!

A PIRATA MIMI

Durante o verán pasado Mimi descubriu que é familia do último pirata do Atlántico, sabedes quen é? Efectivamente, é o pirata pontevedrés Benito Soto. 

Este descubrimento fíxolle moita ilusión e quixo compartilo connosco propóndonos un conxunto de retos propios dos máis hábiles grumetes, posto que para resolvelos precisamos usar habilidades de linguaxe, coñecementos matemáticos e científicos, destrezas de debuxo, traballar en grupo, realizar investigacións....

Cada certo tempo Mimi enviábanos unha carta na que nos dicía que reto debíamos afrontar e despois de superalo nos mandaba unha peza dun quebracabezas que representaba o mapa dun tesouro que tiña agochado o pirata Benito Soto. 

Reto a reto, a veces con algunha que outra dificultade, fomos construíndo o mapa do tesouro que finalmente nos levou a coñecer o Parque Nacional das Illas Cíes.

Ben feito grumetes!!

Palabras máxicas!

Sen dúbida, escoitar uns  «bos días», «grazas», «perdón» ou «por favor»  dunha persoa cambia por completo a percepción que se ten sobre ela.

Isto aínda é máis importante nos nosos nenos e nenas, xa que aumenta o seu nivel de socialización e permite unha mellor convivencia. Para iso, o alumnado de 3° creou con elas unhas fermosas decoracións. Saben que

as palabras máxicas son como chaves que abren as portas ás demais persoas.

AMIGO/A LECTOR/A

Hoxe, 23 de abril, celébrase o Día do Libro e os rapaces e rapazas de 4º participaron nun amig@ invisible un pouco peculiar, xa que o agasallo non era ningún obxecto físico senón unha viaxe a outros mundos: mundos fantásticos, reinos encantados, illas desertas, covas enmeigadas... Como é isto posible? Pois porque o seu agasallo foi unha lectura escollida persoalmente para o seu amig@ invisible.

En primeiro lugar, houbo que elaborar as tarxetas para o cal os mozos e mozas de 4º se puxeron enseguida mans a obra, recortando e pegando ese globo que transportará ao seu amig@ a un mundo de diversión.

Despois, tocou ir a biblioteca en modo silencioso, case como espías, para que o amig@ secret@ non se decatase de que libro lle iamos regalar. Unha vez elixido, houbo que escribilo con moito sixilo na tarxeta sen que ninguén vise o escrito.

E, finalmente, chegou a mellor parte: entregar o noso gran agasallo!

FELICES LECTURAS!

A PASCUA CHEGOU

Para celebrar a Pascua, os nenos e nenas de terceiro curso decidiron elaborar uns lapiseiros para gardar as súas ferramentas de traballo. Ademais, aproveitaron o derradeiro día de clase, antes das vacacións, para decorar uns ovos de Pascua co obxecto de regalarllos a compañeiros, compañeiras e familiares.

Desfrutade das vacacións! 

Regresamos en breve. 

A REVOLUCIÓN DAS BOLBORETAS

Este ano o proxecto do centro baseouse na “Revolución”, tema proposto pola organización do XX Salón Internacional do Libro Infantil e Xuvenil de Pontevedra no que o alumnado de 3º e 4º de EP participamos tódolos anos.

Tendo en conta esta temática e que o autor homenaxeado neste Salón do Libro é Antonio García Teijeiro, Premio Nacional de Literatura Infantil e Xuvenil, puxémonos a remexer entre os libros da biblioteca e tivemos a sorte de descubrir un libro moi divertido: Bolboretas no papel; un poemario no que se atopa o poema No país das bolboretas cadaquén fai o que lle peta e que nos pareceu do mais axeitado a temática deste ano.

Unha vez elixido o libro a partir do cal elaborar os nosos traballos o resto do proceso foi moi divertido. Primeiro comezamos pola lectura dos poemas, que foi do máis entretida grazas aos disparates que neles se poden ler. De feito se queres coñecer un cachiño deste libro podes escoitar uns audios que nos mesmos gravamos no seguinte enlace (site).

Despois puxémonos mans a obra e comezamos a crear os nosos propios poemas seguindo a fórmula proposta por Antonio G Teijeiro: “No país das bolboretas cadaquén fai o que lle peta... Esta foi unha tarefa un pouco difícil pero moi entretida na que puidemos botar a nosa imaxinación a voar. Pronto poderedes lelos na seguinte web: https://sites.google.com/view/as-nosas-bolboretas.

Canto máis traballamos con este poemario, máis curiosidade tiñamos sobre o seu autor, así que decidimos investigar sobre a súa biografía e crear unha liña da vida cos datos máis relevantes da mesma.

Finalmente e para que todos lle poñades cara a este orixinal poeta fixemos uns retratos do autor que nos quedaron ben xeitosos, va que si?.