A nosa horta vai para casa

 Remata o cole e non imos poder coidar das plantas que plantamos no noso invernadoiro, por iso, repartimos todas as plantas e as levamos para casa para continuar coidándoas!!

 

                MARCHAMOS CARGADIÑOS E FELICES PARA CASA!

5-X. Día Internacional do Medioambiente

     Como ben sabedes, hoxe é o Día Internacional do Medioambiente. No cole fixemos varias actividades relacionadas con esta data. Pero, nas aulas de terceiro tivemos a oportunidade de compartir dúas sesións cunha bióloga que traballa no CIF de Lourizán. 

    María Eugenia Miranda Fontaíña leva moitos anos estudando as árbores autóctonas galegas, entre os seus proxectos atópase un baseado no estudo das cerdeiras.  

     Tróuxonos diverso material e mostrounos como xerminan pequenas cerdeiras "in vitro"e  como son os coidados ata chegar a ser plantadas no solo.

     Explicounos que significa cada anel no corte dun tronco, como é a madeira da cerdeira e que probas fan para darlle o maior número de usos industriais. 

    Para rematar, poidemos facerlle unha breve entrevista e quedamos marabillados do seu saber!

                     Como hoxe foi un día de sorpresas, María traía unha con ela...

    Regalounos unha cerdeiriña que, xa transplantamos, e que teremos que coidar moi ben para poder plantala o ano que vén!

 

    Por último, contarvos que María Eugenia é a nai da nosa profe de sexto de primaria, María, e que, grazas a súa xestión, hoxe poido estar con nós. Moitas grazas, profe!!

 

GRAZAS, MARÍA EUGENIA, POR VIR ATA O NOSO COLE E ENSINARNOS O TEU TRABALLO XUNT@S FACEMOS CAMIÑO!! 

 

 

As familias contan...Sandra

 Hoxe estivo nas aulas de terceiro, Sandra, mamá de Sofía da clase de 3ºA. Sandra é licenciada en Historia e durante uns anos da súa vida traballou como arqueóloga. Invitámola a que viñera á clase a contarnos en que consiste o traballo dun arqueólogo. 

 Falounos de moitas cousas relacionadas coa súa experiencia e tamén traía unha presenación coa que nos explicou moi ben en que consiste a arqueoloxía.

     Mirade que atentas e atentos estamos, era unha delicia escoitar as súas explicacións!

Despois de rematar a súa charla, fixémoslle unha entrevista, onde saíron anécdotas e onde varias compañeiras e compañeiros mostraron o seu desexo de ser arqueólogos de maiores!
 

Como mostra dos "tesouros" que pode atopar unha arqueóloga, tróuxonos unhas monedas moi, pero que moi antigas! unha data do medievo e a outra data de tempos romanos!! 

 

GRAZAS, SANDRA, POR ACERCARNOS A ARQUEOLOXÍA ÁS AULAS! 

EXTRAEMOS A CLOROFILA DAS PLANTAS

 EXTRAEMOS A CLOROFILA DAS PLANTAS

A clorofila é un pigmento que lle dá cor ás plantas. Para comprobalo. fixemos un experimento que consistía en cortar anaquiños pequenos de varias follas, introducilos nun vaso e cubrir todo con alcol. Ao pouco tempo, quedaba un líquido de cor verde.

TINGUIMOS CARAVEIS DE CORES

Na clase de terceiro fixemos un experimento que consistiu en tinguir caraveis de cores. Primeiro escribimos o noso nome nun vaso e colocamos o caravel. A continuación, botamos auga e un pouco de colorante da cor elexida. Este foi o resultado!

VISITA AO CONCELLO

O ALUMNADO DE 4º DE PRIMARIA TIVO ESTA SEMANA UNHA CITA MOI IMPORTANTE NO CONCELLO DE BARRO. ALÍ NOS ATENDEU MOI AMABLEMENTE O SECRETARIO.

TIVEMOS ESTA REUNIÓN CON EL PORQUE DURANTE O MES DE MARZO ESTIVEMOS TRABALLANDO NO COLE UN TEMA MOI IMPORTANTE EN CIENCIAS SOCIAIS: "A DEMOCRACIA".

ASÍ QUE NINGUÉN MELLOR QUE O SECRETARIO DO CONCELLO PARA QUE NOS RESOLVESE PREGUNTAS, DÚBIDAS E ATENDERA TAMÉN ALGUNHA QUE OUTRA PETICIÓN.

DEIXAMOS ALGUNHA FOTO DA SESIÓN E TAMÉN DA ESCENIFICACIÓN DAS ELECCIÓNS.

QUE BEN SE NOS DA...SEMENTAR!!

ESTAS ÚLTIMAS SEMANAS, O ALUMNADO DE 4º B, A RAÍZ DO ESTUDO DAS PLANTAS, DÓUSENOS POR SEMENTAR EN BOTELLAS DE PLÁSTICO (UNHA FORMA TAMÉN DE REUTILIZAR). 

APROVEITANDO OS DÍAS DE SOL, SAÍMOS AO PATIO PARA PODER TRABALLAR. NESTA OCASIÓN, SEMENTAMOS PEREXIL, LEITUGAS E DALIAS.

POUCO A POUCO, AS NENAS E NENOS LEVARÁN PARA AS SÚAS CASAS AS PLANTIÑAS E ALÍ PODERÁN SEGUIR CO PROCESO QUE EMPEZAMOS NO COLE.

DEIXAMOS UNHA CHEA DE FOTOS PARA QUE VEXADES O BEN QUE O FIXERON.