Fermosas palabras!

Para celebrar o día das Letras Galegas, o alumnado de 3° curso creou un mapa de Galicia con algunhas das palabras máis fermosas da nosa lingua. Verbas tan agarimosas como imprescindibles.

Agardamos que estas actividades aporten o seu gran de area, para que o galego e a nosa cultura poidan seguir existindo.

                                            FELIZ DÍA DAS LETRAS GALEGAS!!!

Creamos dicionarios!

O ano pasado, a RAG elixía a María Victoria Moreno como a cuarta muller protagonista do Día das Letras Galegas.

O alumnado de 3° curso fixolle a  súa particular homenaxe creando un dicionario do seu libro favorito: Leonardo e os fontaneiros. Fixemos así un bo uso do agasallo recibido ao inicio do curso por parte do Concello.

Esta actividade serviu para que os nenos e nenas de 3º de Primaria se iniciasen na utilización autónoma do dicionario e, ao mesmo tempo, ampliasen o seu vocabulario, buscando e anotando as palabras que descoñecían. 

                                                         Aquí están as súas creacións.

Letras Galegas 2018

Continuando co proxecto de centro Voces de mulleres e co gallo das Letras Galegas na aula de 3º investigamos un pouquiño sobre a vida de María Victoria Moreno. 

     

Unha vez xa sabíamos algunhas cousiñas sobre ela, creamos uns minilibros-biográficos que recollen a modo de liña da vida algunhas das datas máis relevantes da vida de María Victoria Moreno. No seguinte vídeo podedes ver un exemplo:

PREMIOS "CÓNTAME UN CONTO VECIÑO 2017"

     No concurso "CÓNTAME UN CONTO VECIÑO 2017" convocado polos concellos de Barro e Portas, resultaron premiad@s os seguintes alumn@s do noso centro:

• Daniela Romay Manso (2º de Primaria)
• Manuel Piñeiro Núñez (3º de Primaria).
• África Lede Zarco (4º de Primaria).
• Iago Vilas Fernández (6º de Primaria).

MOITÍSIMOS PARABÉNS ! ! !

     Máis información no blog da nosa Biblioteca:

https://oblogdemimi.blogspot.com.es/2017/05/contame-un-conto-vecino-2017-relacion.html

SIGAMOS CREANDO ! ! !     SIGAMOS AVANZANDO ! ! ! 

DANIEL MOREIRAS E IVÁN CAPÓN RECOLLEN O PREMIO MIMI

     O luns 30 de maio, dous integrantes de Páramo Pictures, Daniel Moreiras e Iván Capón,  viñeron ata Barro para recoller o VIII PREMIO MIMI.

     Pasámolo xenial batendo palmas, cantando e, sobre todo, rindo. Podedes comprobalo premendo no enlace do blogue da biblioteca:

     http://oblogdemimi.blogspot.com.es/2016/05/entrega-do-viii-premio-mimi.html

    Foi emocionante subir ao escenario e facermos unha foto con eles. Que pena que non puidera vir María Portero ! 

     

     

     

Gañadores do concurso "Cóntame un conto veciño"

Chegaron noticias ao noso centro da resolución do concurso que convocan os concellos de Barro e Portas que deixa como finalista na categoría de 2º ciclo de Primaria (3º e 4º cursos) ao alumno de 3º Aitor Fernández Castro co seu conto "Os cinco piratas do capitán"

Tamén resultou premiado o relato que presentou o profe Fran na categoría de Adultos, baixo o título "A misión"

NORABOA  A  AMBOS OS DOUS !!

Para ter máis información, preme no enlace e le no blog da biblioteca:

http://oblogdemimi.blogspot.com.es/2016/05/contame-un-conto-vecino-publicada.html

FESTA DA LINGUA

     Memorable Festa da Lingua na Azucreira de Portas.

     BRAVO!!!

     http://oblogdemimi.blogspot.com.es/2016/05/concurso-de-micropoemas-e-festa-da.html

PÁRAMO PICTURES: Gañadora do VIII Premio MIMI

     A produtora independente de Lugo, PÁRAMO PICTURES, resultou a gañadora nesta VIII edición do Premio MIMI.

     PARABÉNS ! ! !

    Si premedes na imaxe seguinte podedes ver o vídeo e seguir todo o proceso de exposición de candidaturas a cargo d@s alumn@s de 5º, as votacións e o reconto de votos:

VIII PREMIO MIMI

     Estas son as candidaturas do VIII Premio MIMI dadas a coñecer pol@s alumn@s de 5º: 

     http://oblogdemimi.blogspot.com.es/2016/05/candidaturas-do-viii-premio-mimi-ao.html

CONCURSO DE MICROPOEMAS

   As nosas compañeiras MATILDE SÁNCHEZ CASAL (de 3º) e SARA CASALDERREY MAGDALENA (de 4º) quedaron finalistas no VIII Concurso de Micropoemas convocado pola Coordinadora de Normalización e Dinamización da Lingua Galega "Terras do Umia". 

     E a gañadora na categoría B2 resultou ser: SARA CASALDERREY MAGDALENA.

     MOITOS PARABÉNS !

    Sigamos creando, sigamos avanzando.

http://oblogdemimi.blogspot.com.es/2016/04/finalistas-e-ganadores-do-concurso-de.html

SÉS co alumnado de 3º e 4º

Sés estivo con tod@s nós o día 21 para recoller o VI Premio MIMI. Pasámolo pipa!!!! Ten un chorro de voz que debe chegar, polo menos, de aquí a Pekín. E, ademais, é moi simpática e prestouse para facer fotos con tod@s. Aquí podedes vermos con ela. A que estamos guap@s?

 

E asinounos un autrógrafo e todo!!!! E, para que non se estropease, na clase fixémoslle un marco que quedou chulísimo.   VIVA MIMI !!!!    VIVA SÉS !!!!                                                                                            

Festa da Lingua 2014

Neste video podemos ver e escoitar a Carla e a Rodrigo no momento de recoller os seus premios na Festa da Lingua, celebrada no Espazo de Usos Múltiples da Azucreira de Portas. Sodes uns campións !!! A seguir lendo e compoñendo !!!

 

Concurso de Micropoemas

Carla Vázquez Palacios, de 4º curso, e Rodrigo Romero Castro, de 5º, resultaron premiados no Concurso de Micropoemas "Terras do Umia" convocado polos Equipos de Dinamización da Lingua Galega dos concellos de Barro, Caldas de Reis, Cuntis, Moraña e Portas.

Moitos parabéns!!!

Pinchando na imaxe d@s gañador@s accederedes a máis información ofrecida no blogue da nosa biblioteca:

Canción: "Espirito Vidal Bolaño"

Unha animada canción de Torre Branca Producións en homenaxe ao xenial dramaturgo Roberto Vidal Bolaño, a quen se lle adica este ano o Día das Letras Galegas.